ኣባላት ህ.ግ.ደፍ ን/ጨንፈር ደቡብ ብዕለት 17.11.2007  ኣብ ከተማ ሽቱትጋርት „ህግ ሓወልቲ ክብርታትና ዝነደቐ ደርማስ ሓይሊ ህዝቢ ኢዩ“  „ሎሚ’ዉን ከም ትማሊ  ሻዕብያ“ ዝብሉ ጭርሖታት ዝተሰነዩ ዓመታዊ ኣኼባኦም ኣካይዶም።

---

ጥቅምቲ 31 2007 ሓደ ጭፍራ ዕሱባት ወያነ ኣብ ዋሺንግተን ዲ.ሲ. ብስም “ሰላማዊ ሰልፊ” ኣብ ፊት ኤምባሲ ኤርትራ ጫው ጫው ክብሉ ክትሪኦም መልኣከ ሞት ዝሰረሮም ኣጋንንቲ ይመስሉ ኔሮም:: እዚ ካብ ምሉእ ሕቡራት መንግስታት ኣመሪካን ካናዳን ተኣካኺበ ዝበለ ጭፍራ ብቑጽሪ ሓደ ሚእቲ ዘይበጽሕ ኮይኑ ሰለስተ ዝተፈላለዩ ዓይነት ጉጅለታት ዘጠቓለለ ኔሩ::

---

ሚኒስተር ጉዳያት ወጻኢ ኤርትራ ንኤርትራውያን ኣብ ኒውዮርክን ከባቢኣን ሰሚናር ኣካይዱ

ትማሊ ሰንበት 30 መስከረም፡ ሚኒስተር ጉዳያት ወጻኢ ኤርትራ ኣቶ ዑስማን ሳልሕ፡ ኣምባሳደር ግርማይ ገብረማርያምን ኣምባሳደር ኣርኣያ ደስታን ኣብ ዝተረኽብሉ ኣብ ኒውዮርክን ከባቢኣን ንዝርከቡ ኤርትራውያን፡ ሰፊሕ ሰሚናር ኣካይዱ። ኣብ’ቲ ናይ ትማሊ ህዝባዊ ኣኼባ፡ ሚኒስተር ዑስማን ሳልሕ፡ ምትዕንቓፍ መስርሕ ሰላም ወያነ ብደገፍ መንግስቲ ኣመሪካ፣ ኩነታት ዞባ ቀርኒ ኣፍሪቃ፣ መስርሕ ህንጸት ሃገራዊ ቁጠባን ምምዕባል ዓቕሚ ሰብን ትካላዊ ኣሰራርሓን፣ ተራ ህዝቢ ኣብ ምምካት ተጻብኦታትን ምድልዳል ሃገራዊ ሓድነትን ኣመልኪቱ ሰፊሕ መግሊጺ ኣቕሪቡ።

---